فوق هام السحب ( الشعر الشعبي) على متن القوافي

‏ماوحشتك يابعد كل الخطايا
يا اعز انسان واقسى من عرفت

شفت نفسي فيك وانكرت المرايا
ليتني ماقلت احبك واعترفت

.....

بعض الرسايل خطها ينعش الروح
لاجات من غالي وقلبك يوده

تشفى عليل النفس وان كان مجروح
وتخلي أوقاته رخا بعد شده

ترى الغلا مابين الاثنين مسموح
ما احد تحكم في فؤاده بيده

.....

من بغى قربك يسوى المستحيل
ومن يشوف ان خساره اخسره

لا تنادي من بغى درب الرحيل
ابتسم له وفي رحيله أشكره

.....

ليت الوفا سلعه لها الناس تشــري
كان اشتري بعض الوفا وامنح الناس

بس الوفا فطـره مـع الــدم تجري
ماهي صناعه بالخواطر والاحساس

.....

‏يا صاحبي كان تفهمني وتسمعني
لا تشتري رفقة اللي فالزمن باعك

ايدك ولو توجعك لا تقول توجعني
بكره يدور الزمن ثم يلوي ذراعك

.....

‏هوًن على قلبك ترى الوضع عادي
انا من طعون الليالي تعلمت

اني اكون بوجه الايام هادي
حتى لو اني من غيابك تألمت

.....

الهوى علّه وأنا أعطيـك الدليـل
يا الحبيب اللي من الحب اكتوى

ما سمعت الناس لا شافوا علـيـل
قالوا المسكين ذا ماكـل هــوى

.....

يا ليت دمع العين يكفي عن البوح
كان ارتويت من الحزن دون ما أقول

.....

إن غِبت عنِّي لظروفك ودّعتك الله
قلبي معك وإن طوّل البُعد مسراه

.....

أسأل إله العرش سترٍ وأمان
وين ما تخطي خطاك الله ينفع

يسّر دروبك يا بعد كل الأزمان
وخلّى دروب الحزن عنك تُقطّع

واذكر غلاك إن غبت عنّي بالأذان
ترى بدعاي اسمك أبد ما ينقطع

.....