اخترنا لكم شعر نبطي وفصيح

كني ما بين المملكه والفيصليه بيت طين
من غربته تشكي شبابيكه على جدرانهـا

محتاج للعزله عن العالم وعن وجه السنين
مثل ما تحتاج البيوت العامره شيبانهـا

.....

گلً ب هـذا الزمان يقول انا الطيب
والطيب اللي يگف الناس من شره

.....

يالله عساني على طاعتك متوّجه
الوجهه اللي على طاعتك ترضاها

.....

سقى الله وصالك يوم درب المواصل سمح
يا طيب الزمان اللي مضى بك ويا طيبك

.....

فـي الليلة اللي قمرها خافتٍ نوره
يرسم خطوطٍ ظلام الليل يغشاها

الذكريات حضرت بالصوت والصوره
تكميل رسمي من اولها ليا اتلاها

تعرض تفاصيل حبٍ ولت عصوره
ما باقي من المحبه غير ذكراها

.....

‏سامح وغض الطرف لو كان ما كان
‏عمر البحر ما ضاق من لطمة الموج

‏ لو تلتفت في كل زلة من إنسان
‏شفت البشر من حولك أرقابهم عوج

.....

مرحوم يامن قال لي خلك عشير الغانمين
المشكلة فالغانمين اللي ما عاد نشوفها

عز الله ان المـال عذروب الرجال الطيبين
تزرع سنابل مرفعتها والهبوب تلوفهـا

.....

كل فتره زعليني وازعلي من غير سبّه
ابغي ارضيك لان رضاك يرفع من مقامي

مشاري المري

مدام راسك حي سقهـا وقدهـا
وان سقتها سقها وقدها على الزين

النفس متعهـا ودور سعدهـا
بحدود مايسمح به العقل والدين

.....

‏حزمت في قلبي تفاصيل ذكراك
‏وحددت للفرقا من العام ميعاد

‏واخترت تاريخ مميز لعيناك
‏تاريخ فرقا كل مًامت ينعاد

‏في يوم ميلادك تعمدت فرقاك
‏ابغيك تذكرني مع كل ميلاد

.....