راكـب اللـي كــن زولــه يــوم قـفـاء

راكـب اللـي كــن زولــه يــوم قـفـاء
زول ذيـبِ جـاد بالـركـض الـرهـاوي

اطلـبـوه اهــل الغـنـم قـبـل يتـخـفـاء
عابـثـن بطـيـب مرايـيـع الـشــواوي

بالمـواتـر والبـنـادق جـــوه صـفــاء
مـع صحاصيـحِ مثـل بــر الـصـداوي

انذعـر يـوم اوقــدو بــه واستخـفـاء
والصـيـاح وللفـشـق فـوقـه تـعـاوي

مايصيبـون الـهـدف قـومـن مجـفـاء
رميهـم عـن حروتـه ينهـج سـمـاوي

مـن ضحاهـم يطـردونـه لـيـن هـفـاء
بالـظـلام ونـاحـر الضـلـع الـنـحـاوي

ياوصفت الجيـب وصفـي فيـه وفـاء
احتسب له واصفه وصـف الهـواوي

سبـعـتِ تـــوه مـــن الـيـابـان لـفــاء
ورده عبدالـطـيـف وجـــاك ضـــاوي

كـنـه الـلـي فــي جـنـاح الـعـز رفــاء
يـاوقـف زولــه مـثـل زول الـنــداوي

نـــادراِ مـانــاش بالمـخـلـب تـكـفـاء
يذبـح الحـبـرم والأرنــب والـكـراوي

جـاهــزن زرع الـتـوايــر مـاتـحـفـاء
كــل طبلـونـه بالأصـفـار امـتـسـاوي

يشتغـل عنـدك تحسـب انــه مطـفـاء
ما طـلـع حـسـه مـثـل وارد عـــراوي

اقـطـم الكـبـوت والخـشـم المضـفـاء
والركـون عـن الهـوى فيهـا مــلاوي

ويـا عتـرض كنـه ولـد شيـخِ معفـاء
كاشـخِ بالثـوب والبشـت الحـسـاوي

كـــن خـطــه دم مـسـطـوراَ تــوفــاء
ناشـتـه شلـفـا شلـيـويـح الـعـطـاوي

في نهـار الحـرب والمـوت المصفـاء
يوم تنخاهم ضحاء الهيجاء مضاوي

وان نطحتـه قمـت بالـوجـه اتشـفـاء
شفت بـه فـرقِ عـن الستـه قصـاوي

الـشـنـب صنـاعـتـه حـفــوه حــفــاء
مـثـل شــارب هتـلـر ايــام الـبــلاوي

والعيـون الـلـي تــزف الـنـور زفــاء
عـن ضــلام اللـيـل حطـولـه تـقـاوي

سـايـقـه مـنـصـاك حـايــل لاتـلـفــاء
واصفـه لـك وانـت بالديـرة قـطـاوي

نصـه الـلـي بالـوفـا والطـيـب كـفـاء
مقصـدي مـمـدوح يـازبـن الـجـلاوي

حـــي هالكـلـوجـه يـانـعـم الـمـلافـاء
اشهـد ان الطيـب عنـده لـه حــراوي

ينـطـحـك بـالـعـود والـبــن الـمـدفـاء
فـــي دلالِ ضـوهــن دايـــم سـنــاوي

يابعـد عفنـن عـلـى الـنـاس يتجـفـاء
يا عزيـز النـفـس يالشـهـم الحـيـاوي

لــه سـلامــي عـــد مـانــون تـرفــاء
هـو ويـا اخوانـه بعيـديـن الهـقـاوي

ماسكـيـنـن درب عــــوداَ مـاتـشـفـاء
غازي المعروف بالطيـب الصخـاوي

جعـل مسكانـه مـع الـرسـل الاعـفـاء
يا عـسـاه بـجـنـة الـفــردوس يـــاوي

لابـتــن عـنــد القـبـايـل لـــه مـلـفـاء
طيبـهـم مـاهـو غـريـب ولا دنـــاوي

بـالـكـرم يـومــن سـرحــان يتـهـفـاء
مشبعيـن الذيـب يـوم الذيـب عــاوي

قـصــةِ عــنــد الــعــرب ماتـتـخـفـاء
ماشـيـن تاريـخـهـا مـــع كـــل راوي

ولـو اعـدد كـان جـف الحـبـر جـفـاء
محصي افعال الرجـال اهـل العـزاوي

انتهـت لــو ان لــي بالـمـدح شـفـاء
وختمها عنبر ومسـك وعـود جـاوي


فرحان بن فهيد الذرفي