ألف ولام وميم ورابعهم الهاء

ألف ولام وميم ورابعهم الهاء
ودالٍ على الخامس وعلى السادسة إي

أبن القصيد وقووم أبيوت وإنشاء
اليوم يومك هاجسي وانت لي خي

أدري تقول أبشر بعزك ولا لاء
وتدري بأن الوقت وقتك لهذي

وتدري بفهد مايطلبك في ردآ أشياء
وليا طلبتك بالردا طالبك عي

قم لا عدمتك سطر أحروف وإملاء
وأجمع جميع الطيب لاتدخر شي

عندك مهمة وعكسها شربت الماء
وأنا أدري إنك حي وياحي هالحي

ومضمونها ياهاجسي مدح وإطراء
أمدح هل الطالات وأعلن ولاأخفي

أمدح رجالٍ مدحهم قمة إغراء
وفي ذكرهم مثل الحيا بالغ الري

سمو البقوم الساميين الأعزاء
ظهور السواني مشعلٍ يبلج الضي

البالغين بمجدهم كل الأرجاء
والحايزين الطيب طيٍ ورى طي

إإإي والله امدحهم من الأء للياء
وأحبهم حبٍ تعدى ورى الغي

وأحب طاريهم واجله ليا جاء
وأعطش لخوتهم مثل عاطش المي

وأخص من ذكره سبب بدع الإنشاء
شيخٍ ذكرت أسمه على مبتدأ ذي

متسلسلٍ مجده من جدود لبناء
وإن قلت حاز الطيب كله فهو أشوي

أبن حريص ولايبي نشِد وإ فتاء
ومجملٍ ياهاجسي قف على إي

المهدي بن تركي