يمرّ الوقت ما ندري وش فبال الزّمن يطرى

يمرّ الوقت ما ندري وش فبال الزّمن يطرى
يجي وإحساسنا مسجون وأضلاع الحنايا سور

وصرنا ودّنا بالأمس، وأوّل ننتظر بكرى
تمنّينا ولكن الأماني ما تعرف الشّور

ويمكن آه كم يمكن تهوّن عثرة المسرى
على رجوى أمل نرجع عسى هذي اللّيال تدور

جروحي الأوّلة طابت وجرحك ما رضى يبرى
وأنا أدري فيك منّي جرح باقي ومعتريك شعور

ولاني منّك أفهم بالهوى ولاني بعد أدرى
أنا ضايع وأحسّ إنّ ليل عمري طوّل بلا نور

تظنّ لحالك اللّي عايشٍ في حالةٍ قشرا
تراني مثلك أتحسّر وأحسّ بضيقة ومقهور

غريبة كيف يحلى الشّيء لا منّه غدا ذكرى
أبعرف ليه ما عشناه لمّا كان معنا الدّور

ولا أدري وش نسوّي غير نرسم بسمةٍ صفراء
نمشّي أعمارنا فيها ونجمع حظّنا المنثور

خالد عبدالرحمن