بعد ثالث ثلاثه حل والوقت ليل

بعد ثالث ثلاثه حل والوقت ليل
كل عينن من العبرة سقت خدها

ارتعش واتثبت والعباير تسيل
لقدر اقول ليه ولقدر اردها

واقفن وقفت المحتار وقتن طويل
انظر لواقعي بالعين واصدها

مقدر اهرب من الواقع على المستحيل
تقصر الرجل خطوه قبل لامدها

بين حزن الوداع وبين هم الرحيل
كل لحظه تمر بهم واعدها

حسبي الله على الفرقا ونعم الوكيل
هددتني وانا مجروح من ضدها

اشهد الجدي في مبداه واشهد سهيل
قصتي تبني الاهرام واتهدها

ماشفالي جروح ولابردلي غليل
صادت الروح روحن بيحت سدها

كلما قلت شده قلت يمكن تزيل
وكل ماقلت راحة قلت لابدها

شرهت القلب عدل ونظرة العين ميل
اقنع النفس مير النفس ماودها

المشاعر لها بين الحنايا صهيل
والخواطر تحز النفس واتحدها

اكتب الشعر من دمي ودمي ثقيل
كل ماجيت امد القافيه شدها

اقربي يالقوافي واشربي سلسبيل
من نهورن يذوب الذوب مع ندها

وذعني للحقيقه واشربي حنظليل
من بحورن يساقي جزرها مدها

مايشح الكريم ولايجود البخيل
كل نفسن طبيعتها على قدها


حبيب العازمي