الهنوف اللي ملامحها تشد الناظرين

الهنوف اللي ملامحها تشد الناظرين
قابلتني كيف مدري كيف انا قابلتها

المهم اني وقفت وكان عندي كلمتين
قلت وحده مرتبك والثانيه ما قلتها

قلت كلمة من خايف كنت اباكمل منين
مير يا حسرة لضيق الوقت ما كملتها

كل مافالامر نظرة ساحرة من طرف عين
ارسلتها لي وانا رد اعتبار ارسلتها

قلت اباكتب قصتي في جملتن للعاشقين
ما طلعت بجملتن تكفي اذا حللتها

واختصرت الامر صبرن يا معين الصابرين
واعرف اني معك يا قلبي نعم طوللتها

والغلا يا قلب تذكر وقتها وداك وين
لو معك حيلة قبل تضحك علي احتلتها

يا معاتبني معذبني على طول السنين
رحلتي من حيث ما وديتني واصلتها

حبيب العازمي