04-15-2026, 01:29 AM
|
#1 | ||
|
مساعد للمدير العام ومستشار للمنتدى
 |
شاب القصيد وباقي الهم ما شاب
شاب القصيد وباقي الهم ما شاب
نعيم فكري ما تجاوز جحيمه يوم انفتح معناي للحرف وانساب للحزن قيمه واصدق الشعر قيمه نويت اميلها غزل واكسب اعجاب حديث عشق من نديم لنديمه لكن حضر هم الشعر والغزل غاب جا للشعر بين المحاني حطيمه من يحترق ماله عن النار مجناب ومهوب شرط ان العواقب سليمه والشعر لو جاله جماعات واحزاب زيف المشاعر لا تمادي ذميمه ياشينها لا طولت حرب الاعصاب ماينتصر فارس ولامن غنيمه ماجا بدون حساب ماجاله حساب والنصر لا جا سهل مثل الهزيمه احد عرق وجهه من الوقت صباب واحد عرق غيره مسبب نعيمه للفعل روايه وللمجلس آداب وللمستقيم افكاره المستقيمه الصفحة اللي ضيعت جهد كتاب وجودها وسط المجلد جريمه من عابها يفتح على الناس له باب يشيب راسه ماعرف من خصيمه من غض طرفه ضاع والوقت غلاب و العقل نعمه و الجهاله عقيمه اليا متى زود التفاخر بالانساب العز من توج جديده قديمه كبوة جواد الروس من حظ الاذناب وبعض الاسامي جت لاهلها ظليمه بس العزى ماينقص النار مشهاب من شذ محروم عساه الحريمه والفعل بيت وعزة النفس الاطناب يبنى على الشيمه وبذل وعزيمه ولو نظرة العالم لنا بدو واعراب حنا الاصول الثابتات المديمه حنا بنينا المجد من قو الاسباب تاريخنا طب العقول السقيمه مايلغي التاريخ تظليل الاغراب الحر يفهم والبهيمه بهيمه عبيد الازمع أبوثنين
|
||
|
|
 |
|
|
العرض العادي
