مات الصغير الشهيد محمـد الـدره

مات الصغير الشهيد محمـد الـدره
وماتت فلسطين والقدس وضواحيها

بمشوّكن في يد الصهيـون مجمّـره
لا وقعّت بالعظـام الصلـب تفريهـا

وشلون عظمٍ طري وأدنات ما ضره
يلـوذ عنهـم بأبـوه الله يجازيهـا

لين أصبح الدم إله من مندغه شـره
حسبي على اللي زمام العلم بيديهـا

جريمةٍ من سببها النفـس منضـره
لو هو ولد حاكمٍ مـا راح جانيهـا

وكم طفل مثله بري وجوه في غـره
وخلوا عظامه هشيم الـدم غاشيهـا

وأعراضنا تنتهك بالقـدس منجـره
غصبٍ على المسلمة توخذ برجليهـا

مهونـةٍ للعـرب نفاخـة الـصـره
اللي من الـذل مـا تقـدر تلاديهـا

خوف وزعامة يهـودٍ جالهـم زره
زر المريكـان يهدمهـا ويبنيـهـا

أحرار مستعمريـن لصانـع الـذره
إلى متـى الـذل نيرانـه نصاليهـا

يثعون بالمسلميـن وبأمنـا البـره
وحنا نتفرج على الشاشه ونوحيهـا

قدام لولد وهي غـادي لهـا صـره
لا واحيـاة الغبينـة ويـش تاليهـا

والظاهر إني بأجيب العيـد هالمـره
والروح مهما جـرا بيديـن واليهـا

يا واحدٍ بأضعف عباده وضع سـره
أنا دخيلـك مـن الدنيـا ومغويهـا

ممدوح المرزوقي

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

المشاركة الأصلية كتبت بواسطة حسن بن عبدالله

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

اخي الغالي ابو حوفان
اشكرك جزيل الشكر لتعقيبك الرابع
وفقك الله لكل خير وبارك فيك