يا وجودي يا هل العرف وين القى الطبيب

يا وجودي يا هل العرف وين القى الطبيب
باخسٍ عوق الضماير ويطفي شبها

بالتخصص والشهاده دوا الجرح العطيب
دخترٍ يعرف جروحي خبير بطبها

والله ان قدلي سنين بعد فرقا يالحبيب
من نشدني قلت يا قوم مانا احبها

والعرب يدرون حب الحبايب ما يغيب
لو كذبت دموع عيني عليه اصبها

من غلاها كل ماصح جوالي اجيب
احسبه منها او انه شبك في ببها

اتمنى مثل ما قيل لو قربه صعيب
الوصل حامض علينا بعيد عنبها

باتصبر جعل ربي يفرجها قريب
في لقا روح المحبين يطرَب نبها

الله اكبر كيف الايام سوتني غريب
والله اكبر كيف الاحباب تنسى حبها

والله لولا الميز لا جيه لو دونه حسيب
خايفٍ من ساعة افراح مانسى غبها

والنوايا لها مناهيج مع درب مهيب
وانا احسب حساب نفسٍ بلقيا ربها


منصور المري