يا ليل وش تخفي لي من الخفايا

يا ليل وش تخفي لي من الخفايا
دام التعب في دفتر الوقت مكتوب

جيتك وانا امد العتب للنوايا
والقى جفا وانا على الطيب محسوب

اشرب قراح الهم واروي ظمايا
واصوم وافطر وافضح الذنب واتوب

اجرها بصوت المحاني حكايا
واشيلها بشفاه الايام مسحوب

والادمي لولا دروب المنايا
والله مايترك على احلامه دروب

والناس ماتحسب حساب الخطايا
ترقى على ذنوب وتنزل على ذنوب

في مسرح الدنيا تسوي سوايا
تلم شمل شعوب وتفرق شعوب

تزهى بثوب الطيب عند المرايا
وليا اختلف وجه الزمن تقلب الثوب

لا تندهش لو شفت فيهم حيايا
يا صاحبي وقلوبهم ما هي قلوب

لكن تبسم دام مالك ضحايا
واشرق على الدنيا ولو جتك بغروب

فل الحجاج ولو تضيق الحنايا
خذ من زمانك ما تمناه باسلوب

واحذر لو الدنيا تمد الهدايا
يا صاحبي ترى الزمن صار مقلوب

نشوف بعيوب الاوادم مزايا
من جهلنا ونحسب مزاياهم عيوب

خالد الجبر

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

المشاركة الأصلية كتبت بواسطة حسن بن عبدالله

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

اخي الغالي ومديرنا الرائع
ابو حوفان
اشكرك جزيل الشكر لتعقيبك الجميل
لك مني أجمل تحية وتقدير لا عدمتك