ماشي على نيتي خوذ الوفا رده

العن ابو الشعر لابو من يجي حده
مادام شعري يخسرني صداقاتي

ماشي على نيتي خوذ الوفا رده
واهل النفوس البغيضه في مضراتي

ان قاله الله لعقد الحبل واشده
واللي يبي يروح يشطب من سجلاتي

لدين مسلم وبعض الناس مرتده
وابليس انبل بعينه كل جمراتي

باب(ن) يجيب الذواري بيدي اسده
واحذف مفاتيح قفله عن معاناتي

الناس قالو كلام تستحي بده
وانا بعانق ضنوني واجرح اسكاتي

من يفعل الطيب بالجاحد يجي ضده
لو كان عذري بصدري طيب نياتي

برج الوفا في عيوني حقدهم هده
الله يعوض عليه في خساراتي

والمكسب اللي كسبته و الوفا قده
رجل ٍ حروفه تضوي في ملفاتي

بدر الضمني