قالوا بيوم العسر تبشر بالسعد يابن الوفا

قالوا بيوم العسر تبشر بالسعد يابن الوفا
وباليسر يا مضعف سواعدهم حدر حدر حدر

واقول انا مادام ماكل من مرض يلقى الشفا
اللي ثوى بالهينه يثوي لياجاك العسر

ولو ان شيخ القوم عارض للقضيه ثم نفا
تبقى الجذور الراسيه مصدر يعيش إبها الشجر

وان قيل ربك يابدر عن مامضى زل وعفا
اقول كل ضعيف ما اشيله بعوجات الصدر

ماني مدور للشعر ياهل الشعر قوم إسلفا
وكانه يمد اربع ازود إبمدتي سبع وعشر

وان قالها هاك النصوح الوافي الصامد كفا
اقول باقي غير ماقلته كما ايام الدهر

ماعاد هي لحية مشاريه ومواجيه وافا
اقولها وارفع لحون الشعر دام اني بدر

واللي رضخ للحق غصب عنه واما اللي نفا
والله ليرضخ بس انا طالبكم اتزيدوا صبر

ويالعنبو رجل عن حقوقه تضيعف او رفا
الموت واحد والقدر ياهل الوفا هو القدر

ياللي تبي تلملم بكفك شئ طوّح وانكفا
خذها تحت لحيك من ذراعي علو إعن الصدر

المربعانيه ليا جا بوقتها حزة دفا
ماعاد لي حاجه بشب النار في ذاك السمر

بدر غازي