الشعر فيني سراب ودفتري ظامي

الشعر فيني سراب ودفتري ظامي
ما يوم فيني سحايب صدق بلنّه

الدفتر أعمى وشعري حيل متعامي
ما للبصيره على الدفتر ولا منه

كنت أكتب الشعر كذب فكذب وأنغامي
زيفتها والصحيح هناك خلنّه

خلاص يا دفتري خلاص يا أقلامي
مليت هذا الخداع اللي يحبنّه

ما عاد أكذب وربي لأعلن اسلامي
وأكفر بشعر"ن"يحفظنه وقالنّه

الشعر ياخي حلال الناس وأوهامي
ليه أكتبه لجل يقرنه وينسنّه

ابكتب الناس والشارع واحلامي
والشاعر اللي بنات الفكر حبنّه

أبحلم إني أبحلم حلم متسامي
لو قالوا الناس حلم إبليس بالجنّه

هالقلب طير ٍ يرفرف مابعد حامي
محابل الخوف في صحراي صادنّه

أكنسل الخوف وأشعل جرحي الدامي
أقسم بربي لا وردهن ويرونّه

عايض الظفيري