ألا ياليل سامرني ترى ماعاد فيني حيل

[rplayer]http://www.soutiat.com/m/n/14.rm[/rplayer]

تذكرت الزِمان اللي مضى لي يوم جنّ الليل
تذكرته و أنا عيوني من دموع العَنا غرقى


تهل دموعي الحرّى على هاك الزمان و تسيل
على خدودٍ محرقها عنا أيامها حرقى


زمانٍ فات يا طِيبه أحب أهله و أحبه حيل
و له في خافقي ذكرى بدم عروقنا تسقى


ألا يا ليل سامرني ترى ما عاد فيني حيل
و لا لي خل يسعدني و لا لي صاحبٍ يلقى


ألا يا ليل أبعدنا و عقب العز ذقت الويل
تفرقنا و ما كنا نحسب طاري الفرقى


ألا يا ليل أقفى جيل و أقبل في سنيني جيل
و من حبيتهم أول ، على عهد الوفاء بأبقى


ألا يا ليل ذَكرني بهم نجم الجدي و سهيل
و ذَكرني بهم رِجم أجي له ضايق و أرقى


ألا يا ليل غصب أبكي و راسي من بكاي يميل
و إلى من ناحت الورقى أجاوب نوحة الورقى