الخواطر والقصص والروايات يهتم بالخواطر والقصص والنثر التي من نزف الأعضاء |
|
أدوات الموضوع | إبحث في الموضوع | انواع عرض الموضوع |
04-24-2010, 03:10 PM | #1 |
|
قصيده مدح في كل قبايل السعوديه
بسم الله الرحمن الرحيم هـذي قصيده مدح في كل قبايل السعوديه وانتمنى انهــا تعجبكم؟ يالله ياخالـق اراضيـن وابحـار = الواحـد المعـبـود رازق عبـيـده الخالق الغفار علام الاسرار = وفرق شعـوب الارض فـي كـل يـده وابدي واسولف من عذيبات الاشعار = ابيات شعـر والمعانـي وكيـده اشري وابيع واعرف كيف بختار = واختار من جزل البيـوت الفريـده وأذكر تراث وعز وامجـاد وافخـار = قبائـل تومـن بديـن وعقيـده وصلت حضارتنا على سطح الاقمار = ابنـا الجزيـر والجزيـره مجيـده في ظل حكام لهم فعل واشوار = ال السعـود اللـي تفـك الضهيـده نسل الزعيم الحاكم العـادل البـار = مجـدد امجـاد الجزيـره بجيـده حتى اصبحت حره وحنا له انصار = في ظل اخو نوره هنـوف سعيـده وصارت لابو تركي بطوله وتذكار = والفخر والامجـاد تبقـى شهيـده وخلف لنا املوك لهم فعل واخبار = الشعب واحـد والقيـاده رشيـده والامن بانينه على ساس وجدار = وقرو على العابـث عقوبـه شديـده وحنا حماة الدار من كل غدار = ومـا همنـا بطشـه وخبثـه وكيـده قبائل مالحقناهـم اوعـار = وعشنـا بهـذي الـدار عيشـه رغيـده والحمد لله نحمده سر واجهار = شعـب تكاتـف مـن سنيـن مديـده ودون الوطن جيش على كل معبار = لارفرف البيـرق ونـادى عقيـده بشرق البلاد وغربها دوم حضار = وارض الشمال اللي نفـوده مديـده وارض الجنوب اللي تخيضر بالاشجار = جزيرة فيهـا القبايـل عديـده ارض بها قحطان وافين الاشبـار = وياعـز منهـم بالشدايـد بسيـده واذكر عتيبه يوم للطيب مغوار = لا ثـارت الهيجـا وقـرب ضديـده وشمر هل الطولات والجود مقدار = اهل الكرم واهل الفعول الحميـده وقوم اعنزه مروين الاخصام الامرار = اولاد وايل من عصـور عهيـده ومطير قوم تكرم الضيف لا زرار = وياويل خصم في حراهـم وعيـده واذكر قبيلة حرب يانعم الاخيار = وتاريخهـم يحكـي سطـور مجيـده وسبيع نعم القوم ووجيه الاسفار = زبن الدخيل ليا زبـن مـن طريـده واذكر قبيلة يام والطيب ينـدار = اهـل العلـوم الوافيـه والرشيـده ثم الدواسر تجعل الخصم منهـار = عيـال زايـد عـز منهـم سنيـده ثم السهول اللي لها الطيب مدرار = وعن منهج العادات ماهـي محيـده ثم اذكر العجمان حمايـة الجـار = والمرجلـه والجـاه فيهـم عتيـده واذكر بني مره طويلين الاعمـار = مـا ينقـد المـري ولا لـه نقيـده ثم الهواجر لابة تقدح النار = اهـل الركـاب اللـي خطاهـا بعيـده واذكر بني خالد قبيلة وامار = قوم لهـم فـي المجـد قـول ورصيـده وبني تميم اللي لها الطيب مصـدار = بنـي تميـم وكـل فعـل تجيـده ثم الزعوب اللي بها الخصم يحتار = شجعـان ماترضـى سـوا ماتريـده العازمي وافي وفي الطيب بيطار = روحه على كـل المصاعـب صميـده ثم الظفيري في المصاعيب جبار = والطيب والامـداح باصلـه وطيـده ثم اذكر الاشراف بجلال واكبار = اهل الحجاز اللـي تفـك الزهيـده ثم الهذيلي له مواقف ومندار = راعي الفخر راعـي العلـوم السديـده ثم البقوم اللي لهم جيش وامهار = ريف الضيـوف ليـا لفاهـم وليـده واذكر ثقيف اللي لهم مجد وآثار = ومهما حسبنـا مـن كـلام نعيـده وبلحارث اهل العز بشهود واقرار = ا لحارثي ياطيـب فعلـه وجيـده والمالكي معروف لا صار ما صار = في موقف اهل الطيب يبذل جهيـده واثني تحياتي عدد وبل الامطار = علـى سليـم وكـل خصـم تكيـده واذكر جهينه هل مواقيف وادوار = تلقى الجهيني راسم الطيـب بيـده واذكر بلي والمجدله فعل واظهار = وتاريخهـم يحكـي فعـول فريـده وبني عطيه في المواجيب حضـار = قـوم بوقـت الجـد قـوم عنيـده ثم الحويطي والكرامه له اشعار = ثـم الشـراري لـه فعـول مفيـده ثم الرشيدي في الصعيبات صبار = على علـوم الطيـب فعلـه يزيـده وباقي جنوب الدار والقاف مادار = باقي على قلبـي كـلام واشيـده زهران نعم القوم في وقت الاضرار = والخصم عينه من لقاهـا سهيـده والغامدي معروف له عزم واصرار = راعي المراجـل والعلـوم المفيـده وشمران قوم والجمايل لها اطوار = وبلقـرن سـم للقلـوب النكيـده والاكـلبي والمحلفـي مابعـد بـار = والحارثـي طيبـه وفعلـه يشيـده وبني شهر وبني عمر سيف بتار = قـوم علـى الاخصـام نـار وقيـده والاسمري والاحمري صيتهم سار = بيـن القبايـل والمواقـف شهيـده واذكر عسير الهول ذربين الاذكار = وابها احتموها فالسنيـن الشديـده وادهم والصيعر على حد الاقطار = يحمون حد الدار من اللـي يريـده وامشي مع الساحل مع جمله افكـار = رسمتهـا والطيـر زان اتغريـده وانزل على جيزان تاريخ واديار = ورجـال فيفـا والقبايـل عديـده وارجوا العذر واهل المواجيب عذار = الي نسيته مانذكر فـي القصيـده ???????? عدد ابيوته بـالادوار = مـن شاعـر ماشـل قلبـه حقيـده ????????ربعي هم هل المدح والكار = واهل الكند واهل السيوف الجديده يوم البلد مايامن الزند لاثار = زيزومنـا ابـن ??????نعـم الوليـده فالجهل شجعان وفي السلم تجار = مـن بطـن بيشـه للتهـم لارفيـده حبيت ابين موقفي بين شعار = وارجوا سموحتكـم علـى ذا النشيـده ماحب انافق واتعنصر تعنصار = ولا ني باطيع اهـل العقـول البليـده ما كل من طب البحر قيل بحار = وما كل من شل الفشق جاب صيـده فالشعر بستـان بـه ورد وازهـار = واللـي تعداهـا بيوتـه فقيـده واقولها في الشعر تكرار وامرار = ضرف بـلا عنـوان يلغـى بريـده وبعض السوالف له مواقف ومحضار= وشعر بـلا معنـى لـزوم نبيـده وصلوا على المرسول شفاع الابرار= محمـد الهـادي وقـدوة عبيـده وٍســـــلأآأإمتـــــــــــــــــــــكم.... مع حبي.......منقوله بن بركي |
أدوات الموضوع | إبحث في الموضوع |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
حساب/قبايل شمران العصاة -في التويتر | ابوسعد الرفيعي الشمراني | أخـبار قبائل شمران | 7 | 04-09-2014 07:07 PM |
فدى عقالك قبايل لك تسوم رجالها .. | (جنة القلوب) | المنتدى العام | 17 | 02-14-2010 05:38 AM |
ضيف على قبايل شمران؟ تفضل حياك الله | الكايد | الترحيب و الضيافه | 12 | 01-25-2008 09:32 PM |
مصبح يتشيم قبايل (((الـــعـــــــــــوامـر))) | الكايد | ديوان شعراء قبائل شمران | 14 | 01-25-2008 09:18 PM |