ياساتر استر

عليكم السلام و رحمة الله و بركاته
هلا بك اخي الفاضل فهد المشرافي
أرحب بك أجمل ترحيب في منتديات
قبائل شمران ...
انت صادق ولاكن وجدتها في قوقل
باسم منيف المنقرة وعليها الرد التالي
من الشاعر الكبير ساعد بن علي البويني
فأرجو تزويدنا بخلاف ماهو موجود


رد الشاعر الكبير ساعد بن علي البويني
على قصيدة الشاعر منيف منقرة



يامنقره لاشفت بالجو غاره
هلل وكبر مع صفوف المصلين

وإطلب بتال الليل واول نهاره
يحفظ حكومتنا ويحفظ لنا الدين

هذا زمان الجار يغدر بجاره
ماتدري الفجعات تاتيك من وين

يالله تذل اهل الكفر والفجاره
ياللي خلقت آدم من الطين لطين

تجعل لنا فالحق صوت ومناره
تخضع لها روس الفتن والشياطين

هذا زمان العولمه والتجاره
واللي خسر يامنيف سوق الطواحين

ساره تفل الراس عند الاشاره
تضحك غنج وتقول للبدو فاضين

ان طعتني يامنيف بيع العماره
واقبل بها بيت الشعر والبعارين

وابعد عن السكه ودرب الإثاره
وخلك مع اللي فأول الناس سارين

واضرب على الحره وكب الحضاره
يم الجبال اللي بها البدو سالين

خلك مع اللي بالخلا شب ناره
وابعد عن الضجه وكثر المجانين

واذا حكرت الكيف زود بهاره
بالدله اللي ماعرف ذوقها الصين

ورث الجدود اللي سوات النماره
شدو وحنا على الدار باقيين

تجعل لهم من كل ذنبٍ طهاره
في جنةٍ يسكن بها الحور والعين