بيتين + بيتين

ماعاد فيني حيل لمعاتب الناس
ملّيت اداريهم واساير هواهم

اللي يبون القرب على العين والراس
واللي يبون البعد ربي معاهم
- - - - - - - - -

من ينتظر رد الجمايل من الناس
كفه على فعل الوفاء لايمده

واللي يبي له ذكر طيب ونوماس
شيء يسويه للبشر لايعدّه
- - - - - - - - -

الله يزيد الغيم في ديرة الخير
وعسى السحابه من وراها سحابة

غيم ومطر واخبار غيم وتباشير
يالله عسا دعواتنا مستجابه
- - - - - - - - -

الرابح اللي اذاضاقت بوجهه سجد
لانزل الراس للخالق ودمعه رقى

اللي لقا درب ربه بالزمن وش فقد
واللي فقد درب ربه في الزمن وش لقى