اخترنا لكم

‏يانجد انا شاعر واحاسيسي كبار
‏وانتي بعد عليا مقام وكبيره

‏جيتك وانا موقد على شوفتك نار
‏كيفي عليها حابكه ماستعيره

‏رغباتي الدله واحاسيسي بهار
‏وفنجالها قافن ماهو مثل غيره

‏من شفت خطوْ إسمك على الذاكره مار
‏عرفت باني رايحن معك ديره

‏ماخترت احبك بس الأيام خطّار
‏ يجي معاها شي نجهل مصيره

‏ قلّطت جمع سهومك بصدري يسار
‏ وزبّنتها طيب وتقاليد جيره

‏انا طويل الباع يا اطوال الاعمار
‏وانا الشوير اللي لاجيت استشيره

‏عليك أنا وعزومي نشق الأقطار
‏اقعد يابو مدري بجنب أبو حيره

‏مشاعري لك ملك ماهي للاجار
‏ وعليك شاعرها مريّح ضميره

‏انا ابن عم لقلبك الطاهر البار
‏ لو كان مابيني وبينك عشيره

‏افتح علشانك من الضيقه زرار
‏واقفل علشانك مداخل كثيره

‏وشلون ماحبك وأزيّن لك أشعار
‏لا صرتي الاولى معي والاخيره
‏
‏لو بيني وبينك مسافات وأقفار
‏نبتك بقلبي كثر الله خيره

.....