03-23-2026, 08:33 AM
|
#1 | ||
|
مساعد للمدير العام ومستشار للمنتدى
 |
دار لنا ما بين صاره والانفاد
دار لنا ما بين صاره والانفاد
عسى عليها الوسم يمطر حقوقه عسى يسقيها من الغيث رعاد مزن من المنشا تلاعج بروقه تسوقه الشرقي على دار الاجواد وغربي هواه بجود ربي يسوقه ربرب طهاه وما طره بالمهل جاد وسكر هواه وصب صافي صدوقه له بالخريف وباول الوسم ميعاد ويتليه من دهم المخايل رفوقه عقبه تهنا بالروا كل وراد مثل البطاط ان شرعت فيه نوقه ويضفي على نجد الوفا دار الامجاد اللي بها المضيوم ياخذ حقوقه والعشب غطا باذره كل الاوهاد من دافق الرايح تسابق عنوقه يا حلو لجات الزهر وسط الاجراد ان ذعذع النسناس مالت عذوقه فقعه مصاليع على روس الاشهاد والوبل من غر الروايح غبوقه تسابقوا عشبه مصلحة الاذواد واهل الغنم كل يرتع فروقه يفرح بشوفة زاهره كل وراد ويلقي الزبيدي ظاهر من فتوقه يالله ياللي له هل الدين سجاد يا منجين ذا النون والجم فوقه يا ناصر طه بعد حرب وجهاد وفي بدر طير السو قصت سبوقه ومبري مرض ايوب من عقب ما كاد ومحيي النبات بكوثر من عروقه تقبل دعات اللي عن الحق ما صاد والسنة الغرا مسيره وسوقه محمد الأحمد السديري
|
||
|
|
| أدوات الموضوع | إبحث في الموضوع |
| انواع عرض الموضوع | |
|
|
العرض الشجري