يا رفيقي كان صدرك ضاق قلي

يا رفيقي كان صدرك ضاق قلي
واذكر اللي ذاكره ماهوب نادم

الليالي يوم تاخذ ما تخلي
ولا يليّن باسها كثر التصادم

والحياه ادروس والقلب المولي
ما يعيش الا وهو للذنب خادم

ومن قضى عمره وهو صايم مصلي
ما سأل عن راحته ذرية آدم

وانت دام انك قريب مثل ظلي
واجب الرفقه ماهو بس انتنادم

لا تضايق صدرك انا في محلي
والهقاوي طيّبه والخير قادم

وقول لـ اللي ماش علم وقول لـ اللي
يحسب ان اللي بنا ماهوب هادم

دام ربي في يده عزي وذلي
وشهو اللي في يديكم يا الاوادم

محمد السبيعي