ذكـــرياتي

السلام عليكم ... بعد انقطاع ... اعود للمنتدى العامر ... بهذه المتواضعـة

++ ذكـــــــريـاتـي ++

حب سامي ( بـيـن قـلـبـيـنـا) علا كل المعالي
اسـتره بين الضلوع ويكـشفه طولة سكـاتي

الجواب اللي تعـبت ارجيه ما جاوب سؤالي
ليـه اتـوه بدون حبك؟ والتقي فيك انت ذاتي

خذت من جفنك سهر واهديت لك نوم الليالي
ابني ابراج الرمل وآخطط الشعـر بعـصـاتي

ومن كثر ما اشغلت بالي زاد فـ الخافي جدالي
واكثر الخوف اني اخطي وانطق اسمك من شفاتي

ما بقى لي منك غير الصوره اللي في خيالي
ليت لي قدره وانا امحي ما بقى في ذكـريـاتي

انت مثل النور واتخـيلك حتى في ظلالي
وانت من قلب علـيـّـه كل شي(ن) في حياتي

وين ما آوجـه بعيني كني آشوفك قـبالي
من غـلاك اللي تغـلغـل في عـروقـي يا غلاتي

ليت ربي ما صدفني فيك واصبحت انت غالي
أو عسى عيني تـشـوفـك قبل ما تسمع وفـاتي

ما طمعت الا بشـوفك وانت مشغلني وسالي
وما يعوضـني بديـل من البـشـر حتى ممـاتي

ودام ما آخذ من غلاك الا هجوسي وانشغالي
و الوساوس ما تـفـارقـني وتكـثر في صلاتي

يا غرابيل المحـبه ... لـيـتـني احكم خـيالي
كان ابمحي صـورتك و امحي بقـية ذكـرياتي