تكـفـى ياجـرحي عشـاني مو على شانه

ياخوي تسأل عيونـي ليـه ذبلانـه
وهذا السواد اللي عليها محاصرنـي

انا عيوني ثـلاث شهـور سهرانـه
والحزن شوفة عيونك كيف فاضحني

القلب ياخوي يشكي فـراق خلانـه
والدمـع عيـا يكـف ولا يريحنـي

اقفت وخلت عروق القلب عطشانـه
ياقوها كيف جاهـا قلـب تتركنـي

وشلون بنسى وهي قلبي وشريانـه
وشلون ترضى بدون اسباب تهجرني

وشلون تغفى عيوني دون احضانـه
وشلون بدفى وهـي اللـي تولعنـي

ياخوي روحي تنادي حيـل ولهانـه
وش حيلتي بالجفا ياخـوي علمنـي

اول انا اللي اداوي قلوب مرضانـه
واليوم بلشان مدري مـن يعالجنـي

الحظ قفـى وصـك اليـوم بيبانـه
مغير ادعـي واقـول الله يصبرنـي

صابر واشوف الهوى تتكسر اغصانه
واللي رحل جعل ربي به يعوضنـي

داري واكيد الزمـن تتغيـر الوانـه
والوقت لازم يجيله يـوم يسعدنـي

ياجرح يسعد صباحك انسى عنوانـه
ولا عاد تسهر على ذكـراه تتعبنـي

تكفى ياجرحي عشاني مو على شانه
خلاص ابنسـى طلبتـك لا تذكرنـي


مع تحياتي