................. عزاز انفوس....................

بسم الله الرحمن الرحيم

إليكم هذه الشامخة للشاعر / سعيد بن مسفر آل حمدن...........(أبو شنبر)

:::::::::::::::::::::::::::::::::::::::::::
حــنـّا عـزاز انـفـوس ياكـُل من جهل
..........يـاكـيـف تـنـسى طـبعـنـا واتـجـاهـلـه
عــرفـت سـيـرتـنا والاخلاص والعمل
..........كـيـف انـتـعـامـل ويـش نوع المعامله
مــنـزالـنـا فـوق الـعـطـاريـد والــزحل
..........وكــل(ن) عــلى قــدره يـعـمـّر منازله
سـبـع أسـنــوات ومـعـرفتـنا على جلل
..........والـكـفـو مــع كـبـره تـعـظــّم خصايله
وحـنـّا نـعــدّك يـابن الآجـواد والآصل
..........أعـز شـخـص(ن) يُحـترم في المقابله
وبـالتـالي أصـبحـنا عـلى خيبة الأمـل
..........ضـاعـت هـقـاويـنـا والاوقـات مـايلـه
طـاوعت مـن فـي قـلبه الـغش والغلل
..........أهـل الـنـمايـم كـل صـبح(ن) وقـايـله
طــاوعـتهم ومـشيت فـي سـكة الظلل
..........ومـن طــاوع الـنـمـّام ضاعت دلايـله
راجع حساباتك وبالضبط وش حـصل
..........لاتـتـرك الــحــاســد يـنـجّـح عــمايله
الـحُـر مـايرضى الـضّعافـه ولا الهزل
..........ويــعـرف لـميـزة صاحـبه من رذايله
قـلـتـه وانـا أعمالي عـلى طيّب العمل
..........وهـرج(ن) بـلا بـرهـان ينقص بقايله
قـلـتـه ومـن عـادتـي الـجزع والجزل
...........وآقــدّر الـطـيـّـب واثــنّــي جــمـايـله
أسـمـع وأفــهـم وانـت حـُرّ بـما تـقـل
...........وبــرق(ن) تـعــدّانا تــرى مـانـخايله

وسلامة الجميع