03-22-2011, 09:58 PM | #1 |
|
مرثيات بوالدى رحمه الله
الشاعرمبروك خلف الجابر
لا والله الا روح الطيب كله = من يوم راح الشيخ راع الجمايل خلف عريب الجد يالله تحله = وتاقاها من نار الحشر والهوايل اقفت به الأقدار وظلم محله = وصاحت عليه اليوم كل الحمايل مرحوم ياعود لنا زال ضله = هلوا عليه الترب في وسط حايل راح الذي عند اللوازم ندله = الحيد شيال الحمول الثقايل له بشة بالضيف ماهو يمله = وصايف المرحوم ماهي قلايل ومواقفه ياناس هن يشهدن له = دين وكرم وخلاق وسمى الخصايل من فقد عمي صار بالجسم عله = وقلبي صفق تحت الضلوع النحايل وعليه كبدي كنها بوسط مله = وعليه دمعي من عيوني همايل لو ينفدي بالعمر عمري فدله = لاشك حكم الرب ماعنه زايل اطلب له الغفران من كل زله = عبد ضعيف ولا لغيرك يسايل ويالله عسى حوض النبي مارد له = في ساعة ما فيه قول وفعايل ويالله عسى قبره سحاب يعله = مزن يروح ومزن اليوم شايل وينبت على قبره بختري وفله = وفي داخله ينعم بمي زلايل عزاي انا بخليف هو وخوتله = نقوة حرار ٍ يدركون النفايل اللي على الوقفات نجوم مطله = هم عزوتي عند اللقاء والصمايل وصلاة ربي عد ماحل حله = على الرسول اللي دعا للفضايـل الشاعر فرحان خلفالجابر ابن الفقيد زل الفرح زل الـفـرح واقـفـى زمــان المـسـرات===وجيـش النكـد عسكـر بـروحـن شقيه تــوي دريــت ان الـمـفـارق مـعـانـات===وتـــوي دريـــت ان الغـرابـيـل حـيّــة مـن يـوم قالـوا منبـع الطيـب قـد مـات===غـسـلـت مـــن دنـيــا الـمـغـرة يــديــة يـاكـن فــي كـبـدي تكـسّـر زجـاجــات===ويـاكـن فـــي عـيـنـي بـقـايـا شـضـيّـة اوجس على صدري كما شعيل وكنات===هـمــن ثـقـيـل ومـنــه حـالــي رديــــة يحـق لـي يـوم الحـق الصـوت ونــات===عـلــى فـــراق الـلــي فـراقــه رزيـــة الشـيـخ ولـــد الـشـيـخ راع المـهـمـات===نـطــاح عـســرات الامــــور الـقـويــة مايرتـخـي عـزمــه بـوجــه المـلـمـات===قـرمــن شــجــاع ولايــهــاب الـمـنـيّـة شـامـخ شـمـوخ الشامـخـات العـلـيّـات===نـســل الـحــرار ولـــه مـكـانـه عـلـيّـة كـريــم وكـفـوفـه سـحـايـب جنـيـهـات===تمـطـر عـلـى المحـتـاج دايــم سـخـيّـة يعـطـي ولايـرجـي ثـــواب العـطـيـات===الامــــن الـمـنــان جـــــزل الـعـطـيّــة حافـظ علـى دينـه بيـسـرن وضيـقـات===يتـبـع نـبــي الـحــق عـــذب السـجـيـة لــه درس مجـانـي بحـسـن الـعـلاقـات===والـطـيـب والـمـعـروف والمـرحـمـيّـة هـذاك مهمـا اكـتـب بمـدحـه عـبـارات===تـعـجــز حــروفــي مـابـهــا مـقـدريّــة لو قلت مهمـا قلـت فـي نضـم الابيـات===مقـامـه اكـبـر مــن حـــروف ابـجـديّـة شعـري ونـثـري والحـكـي والمـقـالات===مـاتـوفــي الــوالــد حـقــوقــن عـلــيّــة واليـوم راح مـحـال يـرجـع وهيـهـات===غصبـن عليـنـا غـصـب مـاهـي بغـيّـة لــو ينـفـدي بـالـمـال نـقــد وعـقــارات===يارخـصـهـا مـاهــي علـيـنـا عـصـيّــة ولــو ينـفـدي بـالـروح جيـنـاه زافــات===انـــقـــدّم الارواح لــجــلـــه هـــديّــــة لاشــك أمــر الـمـوت مـابـه خـيـارات===امــر الـولـي ماعـنـه روحـــه وجـيّــة ميـر اسألـه وأدعيـه فـي كـل الأوقـات===برحـمـتـه يـجـتـاز عـــن كـــل ســيّــة ويغـفـر ذنـوبـن سـطـرت بالـسـجـلات===ويـعـامــلــه بـالـعــفــو والـمـكـرمــيــة وتجيـه عنـد الـمـوت ذيــك البـشـارات===وبالـفـوز والـراحـة ونـفـسـن رضـيــة ويـاعـل سـحـب المغـفـرة والكـرامـات===تـعــل قـبــره كـــل صــبــح وعـشـيــة وجعـلـه يـخـلّـد بالـجـنـان الفسـيـحـات===فــي جـيــرة الـمـولـى وزمـــرة نـبـيّـه ومـن كـف راعيـن الوجيـه الحسينـات===يسـقـيـه مـــن لـــذ الـشــراب وهـنـيــة في روضتن تحت الغصون المريفـات===عـلـى ســرر يقـطـف ثـمـارن شـهـيّـة مـع مترفـات ابكـار وايضـاً عطوفـات===فـــي عـالـمـن كـلــه معـيـشـة رخـيّــة والخـتـم عــد الـلــي قـــروا للتـحـيـات===صـلـوا عـلـى المخـتـار خـيـر البـريّـة الشااعرمحمد خلف الجابر ابن الفقيد الله يــا دمـــعٍ جـــرى يـــوم الاثـنـيـن===يهمـل علـى خــدي همـيـل السحـابـي مــن عـبـرةٍ تكـسـرت بـيـن ضلـعـيـن===اكنـهـا بالـصـدر مــا احــدٍ درى بـــي اصـد فــي وجـهـي لـيـا جــو معـزيـن===اخـاف دمـع العـيـن يكـشـف مصـابـي أبـا أتصبـر لـكـن الصـبـر مــن ويــن===قـلـبـي رهـيــف وسـاتـرتـه الـثـيـابـي يـا عيـن هلـي دمعـك اليـوم يـا عـيـن===فـضّــي هـمـومـي لا يـزيــد الـعـذابـي تــــراك والله بـالـبـكـا مــــا تـلامـيــن===والـلـي يلـومـك فـاقـد(ن) للـصـوابـي أبكي على شيخ (ن) نهج منهج الدين===طـلـق الحـجـاج وباللـقـا مــا يهـابـي كـريـم وسـلالـة شـيـوخ(ن) كريمـيـن===مثـل العـلـم صيـتـه عـلـى كــل نـابـي يمـنـاه مـمـدودة للأقـصـى والأدنـيــن===ينـفـق لـوجـه الله ويـرجـي الـثـوابـي يعطـي ولا يحـسـب لجـمـع الملايـيـن===آخـــذ كـتــاب الله وشـرعــه زهـابــي يـا كبـر همـي يـوم شـفـت المصلـيـن===صـفـوا علـيـه ودمـعـهـم كالضـبـابـي بالمقبـرة جابـوا لــه اللـبـن والطـيـن===وعقـب الـدعـا هـلـوا علـيـه التـرابـي واشوفـهـم قـفـوا مــن القـبـر بـاكـيـن===والـحـزن خـيـم مـثـل لــون الـغـرابـي لـو تنـفـدى يــا بــوي نـدفـع ملايـيـن===نشـري لـك الصحـة وتـرجـع شبـابـي لـكـن قـضـى ربــي ولا فـيـه تخمـيـن===والنفـس لـو عاشـت مداهـا الذهـابـي المـوت حـق ومنـكـر الـحـق مسكـيـن===سـيـف مسـلـط فــوق كـــل الـرقـابـي يالله طلبـتـك يــوم نـصـب المـوازيـن===ثـقــل مـوازيـنــه بــيــوم الـحـسـابـي واعفر ذنوب (ن) سجلـت بالدواويـن===ويــا رب فــي يمـنـاه عـطـه الكتـابـي وبجـنـة الـفـردوس وســط البساتـيـن===ولا تحـرمـه يــا رب حـلـو الـشـرابـي صـــلاة ربـــي عـــد نــــاس مـلـبـيـن===علـى النبـي ياللـي سمـعـت الجـوابـي الله يرحمه ويسكنه فسيح جناته |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
عبدالله بن أحمد رحمه الله يرد على رامي رحمه الله | المطاعي | ديوان شعراء قبائل شمران | 15 | 06-19-2013 02:44 AM |
ديوان الشاعرغرم الله الحميم المالكي رحمه الله | محمد الحساني | المنقولات الأدبية | 4 | 10-19-2012 07:15 PM |
بصوت الشاعر عثمان بن غرم الله رحمه الله | صوت المنتدى | القصائد الصـوتية والمرئية | 17 | 05-12-2009 07:23 PM |
قصيدة رثاء في (الشاعر عثمان بن غرم الله) رحمه الله | (بن مصحب صقر شمران) | بـوح الـقـصيد للشعراء الأعضاء | 12 | 03-26-2009 01:40 AM |
انتقل الى رحمة الله شقيق اللاعب مالك معاذ (سلطان)رحمه الله | الزعيم2 | الرياضة والرياضيين | 16 | 02-02-2009 02:48 PM |