ديوان الشاعر (بن منجيّة الشمراني) جميع قصائد الشاعر بن منجيّة "المعروف بـ دماوي حيل" |
|
أدوات الموضوع | إبحث في الموضوع | انواع عرض الموضوع |
11-22-2011, 10:12 PM | #1 |
مشرف عام سابق
|
الطلاقة
الطلاقة يرحم الله بطنٍ اضنا مطلقٍ قد اللوازم = حُرّ ما يسمح تبيح السالفه واطْلَبَك جابه يعرف المغزى بعينك قبل تلغيه البلاعم = والشلي يرفع مقامه ما يقلِّل في جنابه ينجز المطلب كذا من بعد ما جتْه العلايم = ما طلبته كيف لا مني طلبته في طلابه المواقف تظهر الحر الندواي فالمواسم = ما يهد الا على كايد عِجِز عنها عقابه ثم يغيب ويظهر إليا جابِتَه صيد الحوايم = يحتصيها في مخاليبه وتمْكنْها قضابه والحديَّا من وانا ناشي على الجيفه تلايم = كل يوم اشوفها تنْعق على قشع وخرابه مشيها تنقز تقول إضبيع وكراعه معاسم = ولا بغت تنفر تدهشر بين ربحان وكلابه وريحها يفقع نخاعك كأنها كومة قمايم = والله إنه فرق بين الحر ذا شكله مهابه وبين حديا وبوم وغرابٍ فصايلها رخايم = قوتها الفضله وجيف البر يكفيها هبابه المواقف ما يفوز إبها الا صملين العزايم = تاتي قدر إعزومهم كنْها ضلاعين وهضابه تكَبِّر المنكف وسبَّح لا تسندها المسالم = الطلاقه في وجيه اهل الطلاقه والرحابه وجيههم تبشر بخير ولا لِحِقْ فيهم قسايم = ما تخاف وما تخوِّف روسها كنْها حرابه في يديك إمهابةٍ وإليا دعا الداعي تقادم = تحتمي من خلف وتفجّ الهويِّن في كرابه الحياه امزوح وضحوكٍ ويخلطها هلايم = وفي بعَض الاوقات تبغا جِدّ ما فيها دعابه يعني لا صحنا نبي فزعه نبي فزعة الاوادم = فاللزوم إتسد لو ما حن بصدقان وقرابه الشيم فالطيبين اقوى من إعروق المحارم = الصديق إحرص علاه اكثرمن اخوان العصابه خص ذرب الحال فزاع المحيا والمهاجم = راس حربه فأول الفيلق عقيدٍ يعتزابه التجارب خير من دكتور في علاجه مياسم = تكفلك قبل الخطا ما ياتي وتونس عذابه |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
تمرين رائع لاكتساب الطلاقة واللباقة وسرعة البديهة | الراجي11 | المنتدى العام | 12 | 08-09-2008 03:38 AM |