سعيـد اللي تقهوا مع سعيّد!

السلام عليكم ...

مصافحة اخرى بعد فتره ابتعاد تشرح نفسها بنفسها
ليست الا بوح يخصني لايتعدا حيزه ضلوعي
المتصدعه من اشياء كثيره بالحياه
ولكن اتعايش معها بها!

ياكيف الحال ياوجه المبيّد
عقب هد البنا حال المشيّد
ماجاك العلم يوم انك تشاهد
سعيد اللي تقهوا مع سعيّد
يمد الرجل وانفاسه تخرخر
تقول الهاف لاشدّه حميّد
على طعسٍ تمارى في خدوده
سنا شمسٍ لها رمح ٍ سديد
يخبّرك الخبر يوم انت توحي
ولو ماوحيت ياعذر البليّد
عبيد اليا هرج فاسمع كلامه
وغض الطرف لا هرّج عبيّد
ولاتتعب هجوسك في الخلاوي
قريبه سجتك وانته بعيد
ولكن انت متميز وناجح
وتقديرك على التقرير جيد
يقوله من توجد وجد ذربٍ
غدا في زحمة الدنيا وحيّد
يون بونة اللي راح عمره
ورى "الراقي" واهاته تهيد
ليا ماطاح هم ٍ من همومه
قديم ٍ قام له هم ٍ جديّد
ولامنه وصل لاخر شفوفه
على الريوس تشوف انه يسيد
تعيش الجو في جوك ولكن
ماتدري بان جوه لك يحيّد
-فدر في الكون ياقمراً تلالا-
وعيّد كان شفت الزين عيد
وقلّه ياترى ليه ابتعاده
ترى الخافق على عهده وديّد
هذاك العلم يوم انه يقوله
سعيد اللي تقهوا مع سعيّد

سلااااااااااامتكم
والتحيييييهـــ

تـ شـ لســ اوي