عبدالله بن غصاب وقصيدة اشكال واجناس

ماعاش بالدنيا منافق وبلاس
لويدعي للناس وش يدعي به



حمست بن الكيف في كل محماس
لكن مال الكيف قيمه وهيبه

الناس فيها اشكال والوان واجناس
ومن لا يحوز المرجله ويش ابي به

وانا صحيبي حايزن كل نوماس
واجتاز عثرات الزمان الصعيبه


ومن لايغرس الطيب ماهو بغراس
ومن لا يجود ايموت وايموت طيبه


والمعدن الغالي ذهب ماهو انحاس
والمرقب العالي براس الجذيبه


ومن عاش بالدنيا بلا ذوق واحساس
دارت رحى الايام واقفى نصيبه


ياليت للدنيا مقاييس تنقاس
حتى الردي واللاش مانعتني به


واليوم مايذكر حيا كل عساس
لو ان سيله طافحن مع شعيبه


وانا ولد غصاب واقدح من الراس
وانا الصحيب اللي يجمل صحيبه


اخاوي الايام والبس لها الباس
كلن نصيبه فالليالي يصيبه


أعيش بالآمال مااعيش بالياس
ولايدخل العقال شكه وريبه


كنز القناعه راس مالي مع الناس
والفوز قسمي مارضيت الغليبه


وسوالم على قول الامارتية