صفح صافي الخد المصفّى

هذه القصيده مرسله للامير الشاعر
خالد الفيصل بن عبدالعزيز
(دايم السيف)


صفح صافي الخد المصفى عز الصفا
وصفا ماصفا غير الانصافي

صفاني وصافاني ولكن ماصفا
وفى معي لكن لكن ما يوفي الوافي

بغيت الوفا لكن جبلي من الوفا
تقصر وريده منهل المنبع الصافي

وطيت الحفا وأمشي على حافي الحفا
مصاهيرها وامشي عليها وانا حافي

لمست الجوي فى خافي الروح والتوى
جحيم يشب ابخافي الخافق الخافي

ياتل قلبي تل حر من العلا
تنحى وشبق شارد الجول متقافي

وعزي لروح عساها عاسف الهوى
عسيف يعسفها معاسيف عسافي

تواقد لظاها شبها موقد الغضا
نسيما تزاغيها نسانيس هفافي

عسفها على غير الهوى عاسف النوى
وكلفها على صوغ المكاليف كلافي

الاياشفا نفس متفاه للشفا
تشافي شفاها منك وأنت شفا الشافي

ولا ياغزال يرتعى فايع الخلا
ربيت المهالي يرتعن برالاطرافي

دمانيه متقاف عن شمة الهوى
لفحها الذعير وحاوزت صوب لكشافي

مصافيف عقد صف من لؤلؤ الصفا
جواهر منقايه كما صفوة الصافي

كم قانص للصيد في قانص الخلا
تعذر عليه الصيد لو كان لقافي

شكيه لكم يا(دايم السيف)فى النيا
لزيم وفي كل المعاريف عرافي

شقاي الونين وحالتي بالشقا لوى
عزيز الجروح ابشقها ما رفا الرافي



الشاعر الشيخ . . محمد بن راشد آل مكتوم