ديوان قصائد لشعراء المملكة العربية السعودية (متجدد)☘️☘️

ساس الردي لا بد مبناه ينهال
ولد الردي صاحي تحطه بطانه

تلقاه وقت الضيق لا ضكك الجال
الصفر لا يغريك زين لمعانه

ترى الذهب من صافي جنيه واريال
ما يختلف ياذيب طيلة زمانه

بستان غيرك لوبه الوان واشكال
ما تنتفع من خوخه وبرد قانه

ما ينفعك ما فيه لو بالثمر مال
لا صار بالغدراء جداره مخانه


ويقول:
احرص عن الزلات في كل الاحوال
لا تنخدع باللي يعلج اللبانه

ما يفتري ويشين الناس رجال
راع الحكي بالناس خله وشانه

عليك باللي بالمهمات سردال
ليث مثل من حط قوسه رهانه

انته وانا نبعد عن القيل والقال
كم واحدٍ ياذيب ضره لسانه



الشاعر:عبدالله بن صقيه التميمي