12-16-2021, 02:56 AM
|
#1 |
|
مساعد للمدير العام ومستشار للمنتدى
 |
ياذيب ﻻتشكي من الوقت ياذيب
ياذيب ﻻتشكي من الوقت ياذيب
وقتك تبدل وانعميت إبعجاجه الوقت كدرلك جميع المشاريب فيه الحصيني عاش واشعل سراجه والعير صار اليوم مابه عذاريب ومن فوق راسه حطو اليوم تاجه وإنته وﻻكنك رقيت المراقيب مظلوم ياذيب تكدر مزاجه واليوم ياذيب الخلا حالك إصعيب وقت الطرب ياذيب راح إبتهاجه مير أحتمل ياذيب شر اللواهيب اصبر على المكتوب والجرح ناجه وقتآ اخذ حقك عسى شمسه إتغيب وقت غدى ياذيب ماتحتاج حاجه ﻻخوف وﻻ حزن ولك راين مصيب ولك مخ باﻻبداع مثل الخواجه وياذيب أنا بوصيك خل الدباديب الياذبحك الجوع كب الدجاجه وكب القطيع اللي كلوها الشواريب وإحذر من الشاوي تقرب إنعاجه ﻻبد ماتصطاد حرش العراقيب وراع الطروش البيض ياذيب فاجه وياذيب مادامت عيونك مشاهيب ﻻبد عقب الضيق يأتي إنفراجه يقوله اللي بين براسه الشيب وشاف الحياه اليوم صارت سماجه ماعاد فيها ﻻمعزه وﻻطيب وﻻينعرف فيها الحلو من هماجه وﻻعاد به من يستحق التراحيب إﻻ مثل شرواك وعندي ملاجه وياذيب منت بجاهل بالمواجيب ولعل حضك دوم ينهض إحجاجه ونصيحتي جاتك وأنا خابرك ذيب والذيب يعرف مدخله من خراجه هذاوأنا أرجي شوفتك دوم وأغيب وإن قالها الله عن قريب انتواجه ...... |
|
|
|
|
العرض الشجري