الخواطر والقصص والروايات يهتم بالخواطر والقصص والنثر التي من نزف الأعضاء |
|
أدوات الموضوع | إبحث في الموضوع | انواع عرض الموضوع |
02-12-2022, 01:45 PM | #1 |
مراقب عام وأداري للمنتديات
|
( حلم عفوي في حكم ظالم ) للكاتب الروائي/ هزاع عبدالرحمن مجبر ال خطاب الشمراني🍂
( حلم عفوي في حكم ظالم ) للكاتب الروائي/ هزاع عبدالرحمن مجبر ال خطاب الشمراني البرد موحش …. وليله فضيع …. قارس وما يرحم … لا كهل ولا رضيع … وما بين ساعاته … مسافات .. وحكايات عرافين .. وهجرة غجر .. أوله …. يطوفك حنين…. ويتلو عليك الشوق تعويذة … و أطول مافيه …. الدقيقة… ! تاخذ منك سنين .. لومها لي جهد وأنا أطلبها بوعد …. بس تروح…. وتولد بعدها ثانية جديدة …. وما يمر الوقت … وحدي والبرد لسى بأوله…. وأنتِ في عيونك زهر… وأنا في احداقي سُهد… ويحاصرني اثنين ، طول الليل ووحشة البرد … مثل … حلم عفوي ،، في حكم ظالم ..! تدرين ليه أحب شهر مارس ؟ فيه الغيم المطيع ، والسديم الفاهم والطيف مختال بنص قوسه … معك ما أحب أتوارى تحت المظلة… وجهك رذاذ .. فيه تولد مياسمك… وتوّرد خدودك.. وعلى أطراف شعرك ندى .. والطاولة والفنجان يزينها الطّلّ….وأنا وإنت .. فوق صخرتنا … نرسم هذاك المطّلّ..! آه كم يشبهك الربيع … ضحكتك … لوحة فريدة … متاهات الضباب فوق أحمر التوليب ..! اشتقتك واشتقت السنا …. وقت الأصيل … والصبح باهي .. والقد ناهي ….. والشمس خلٍ وديع …. آه يـ أجمل أيام السنة ، وأحلى الفصول … مدري كيف … أو مدري ليه …. وجهك يأثر علي … وعلى قراراتي … عيونك تفاصيل وفضول … وابتساماتك كثير … وألقى فيها مساحاتي … صوتك رفيف أغصان….وأطرافك سكاكر …. يارب الكون الوسيع …. ليه معاه اسكر واضيع …؟ في حضورك … أحاول أمسك الوقت لا يسري … لكن مدري ليه ما أقدر ولا أستطيع !؟ كل شيء ينتهي بسرعة ، السالفة والضحكة واليوم … عكس الشتاء …. وثوانيه .. وضيمه القاسي ولياليه … والله البرد موحش …. وليله فضيع …. قارس وما يرحم … لا كهل ولا رضيع … |
|
|