07-12-2022, 06:21 AM | #1 |
شاعر
|
يابس الريق
صدرت من عد الهوا يابس الريق ونزفت عمرن ماترجعه الاموال عمرن غدى مع زحمة الكرب والضيق اتبع سراب الحلم مع درب الامال وابطيت في حلم الهوى توي افيق واضرس غبن واصفق يميني على شمال تعبت من طعن الرماح المزاريق ارماح غدر الوقت مع طيحة الحال وتعبت من روس الحظوظ المدانيق اربع عقود امضيت ماطاب لي فال اصبر ونار الغبن فوح المعاليق وضلع الصبر لاطول الوقت ينهال وش حيلتي ياكود اويق الشواهيق وانزف جروحي شعر والدمع ينسال واجر لحني من حزين الطواريق والحزن في مشيه على الصدر يختال واليوم ابا اجنب طريق العشاشيق ابعير صبري هرش ماعاد يشتال ماعاد ابا تحمل محبه وتفريق كافي شبابي راح ضيقه وغربال ياخلي اللي حزت زين المخاليق قدرك بعيني باشة الغيد لازال خلاص كب عهودنا والمواثيق وقصة هوانا درس يكفي للاجيال ماني بخاين غير للموت تحليق في جو فكري يوم حشري والاهوال انا فاتت الدنيا بيدي ملاحيق بلحق جنان الخلد من طيب الاعمال يوسف الشمراني التعديل الأخير تم بواسطة يوسف الشمراني ; 07-12-2022 الساعة 08:28 AM. |
|
|