10-30-2022, 01:09 AM | #1 |
شاعر
|
مسرى القمر
مسرى القمر بين النجوم البعيده سرى دموعن زرقها زرق الاراماح تهمل على المآضي وتبغى تعيده ويبقى محال يعود فالعمر ماراح العمر يمضي والسنين الفقيده اسرع من الباشق ليا هد بجناح ياموق جود بدمع عيني وزيده يمكن ينفّس عني الدمع وارتاح والحزن فيني كيف يخلف وعيده تاجر وعمري في خزاينه الارباح مجبور من لوعته اسوق النشيده ودمع الشعر في هاجس الفكر ينساح ولو كل شاعر مكسبه في قصيده انا قصيدي للمكاسيب سفاح ياهيه يا قلب الغرام. ووريده ياللي ضميتك عشق وعدودك شحاح حبال شوقك في خفوقي جويده ماتنقطع حتى مع نزع الارواح ذكراك تحربني وشوقك مكيده ولاعندي الا الدمع والونه سلاح وشعرن على روس المشاريف اعيده واهيجنه لا عرض الصدر الارياح ي ليت واقدر كل مافات ابيده وانهي غرامن كله اوجاع وجراح مدري وش اللي بالهوا مستفيده راح العمر لقمه وسط فم الاتراح متى بيوم اقول فرصه سعيده وارحل مثل ليلن تقفاه الاصباح واانا فراقك والله اني ماريده لو ان سد الصبر من حرتي باح لكن روحك وسط روحي وحيده وحبك قفل قلبي بضبه ومفتاح وانا الوفى طبعي ووقلبي يجيده لو عذلوني فيك مافاد الانصاح يالله عسى تبطي سنينك مديده ويبطي غرامك داخل القلب ماراح يوسف الشمراني |
|
|