06-11-2023, 04:14 PM | #1 |
شاعر
|
وجه مشؤوم
من يعتزي بالنطق ويقول
مخدوم ويقول لك ابشر ويلغي قراره كنه نسي ماقلت ولنفسه يلوم يحط نفسه سج وابدا اعتذاره هذا اذاشاف العتب منك بقدوم يضرب على راسه براحة يساره ولاخير في النمام لامافتن قوم ولاخير فيه اللي محارب لجاره لاخير في المغتاب لاجاك بعلوم يذكرعيوب الخلق ويشب ناره ولاخير فيمن صبح بوجه مشؤوم من شوفته وضعك نزل بانحداره ولاخير من يقضي كثر وقته بنوم لاحتجت فزعاته لقيت العزاره ولاخير في صاحب يلاقيك بهموم وقت الرخا تلقاه عالي وقاره ويلانصيته في الشدايد ضحى يوم كثرة معاذيره ووضح انكساره مثل الذي يوضع على زاده الثوم يعم ريحه من دخل باب داره ومن كشف سره على الناس مضيوم اهل الشماته يلحقون بمداره وياويل من حاول على قهر مظلوم لابد له من يوم يهدم جداره وياحظ من يسعى للإصلاح ويقوم يسعد بفعله ثم يقطف ثماره صالح ابوغريب القرني التعديل الأخير تم بواسطة صالح أبو غريب ; 06-11-2023 الساعة 04:36 PM. |
|
|