قصيدة بعنوان ( مكرمين الهقاوي ) للأستاذ/ محمد عبدالخالق ال محفوظ الشمراني🌹

- 10 أغسطس 2023
قصيدة بعنوان ( مكرمين الهقاوي )
للأستاذ/ محمد عبدالخالق ال محفوظ الشمراني

يا مكرمين الهقاوي عن صغار الشفوف
ياللي على النايفات تسوق نيشانها
الرمي لا صار مايلحم ويرقى الطفوف
مايمدح البندقيه زين عيدانها
يالصاحب اللي يجينا كل وقت معروف
المرحبا والهلا مفتوح بيبانها
بعض المعاني ترى ماهي علينا تطوف
لكنّ ترفى الهزيله نظرة سمانها
ندري عن الحاجه اللي تفرَك لها الكفوف
وينلطم وجه صاحبها على شانها
وندري عن اللّي تجينا في ظلام الكسوف
تقَبّل جباهنا وتسِلّ نِيبَانَهَا
كانوا قبل يلبسون الجوخ دايم وقوف
عَلَى مَنَابر مَجالسنا وعِمدانها
عَلَى السّمن والسّمان وقولة ارحب ألوف
والدَّلّه اللي تقَنِّد راس خَرمانها
واليوم زَانت لهم في التاليات الظروف
وامسَوا عَلَى مِلّةٍ ما تعْرَف أديَانَهَا
واللي يَحَسب الثّرى يمكن يطول القنوف
ندخل عَلَى الله من الفكرة وشيطانها

بقلم الاستاذ/ محمد بن عبدالخالق ال محفوظ الشمراني
ادارة التعليم بمحافظة القويعية
صحيفة شمران الاخبارية
https://www.shmran.net/inf/72897.html