الشعر عزة 🍁

الشعر عزوة
بقلم/ نفود الصمت


حظي شتات .. وهمّي أكبر من طويق
والحزن خيّم والثواني هزيله
ياليل حظي فيك تلّ المعاليق
يوم العرب كلً يهنيه ليله
سهرانه أطرد لهفة الشوق بالضيق
ما عاد لي في قوّة الشوق حيله
وينك؟ ترى نبض الهوى لاجلنا سِيق
خليت روحي في غيابك قتيله
يروي سرابي فيك قِل التوافيق
ويشعل حنيني فيك قِل الوسيله
وقتي جفا وحمّلتني فوق ما آطيق
ليتك تركت الشوق يروي غليله
إن كان غيري باللقا فكّوا الريق
لحظة لقانا فـ الهوى مستحيله
حطيت حرّي فـ الحروف المشافيق
الشعر عزوة والمعاني قبيله