ديوان قصائد لشعراء المملكة العربية السعودية (متجدد)☘️☘️

قصيدة نكهة اعنابك
الشاعر: زايد الرويس زايد الرويس
#العصر الحديث
#المملكة العربية السعودية
0
131 مشاهدة

خليني ارضي عنادك وارضي غروري

وانا اوعدك لا رضيتي عني ارضى بك

تأملّي وش تخبّى داخل سطوري

وانا اوعدك ما تعدّى عيني كتابك!!

واما احترقت بك في لحظة دفا ثوري!!

وانا اوعدك لاحترق بك حيل وادفى بك

ويش الدلال بحضورك وش هو الجوري

لا صار عقدك يغار وتخجل اطيابك

يا مغيّبتني وانا حاضر عن حضوري

ب اعلّم الشمس لا غابت عن غيابك

وان جابك الله على يسري وميسوري

عزفت لحن الوصال ب نكهة اعنابك

يا غصن الاحلام كم حنّت لك طيوري

وكم حنّ قلبي وهو واقف على بابك

إشتقت لك لين صرت استسخف شعوري

إشتقت لك لين صرت اشتاق لثيابك

هذا الغلا صار ضارب ف اعمق جذوري

والمشكله كان هذا الشوق ما جابك

أبي وعد منك بس ارضي لي غروري

وانا اوعدك لاصبح اول واخر احبابك