فوق هام السحب ( الشعر الشعبي) على متن القوافي

توقعت الغياب ولا توقعته بدون أسباب
‏وعدتيني زمانك ما يغيّرك وتغيرتي

‏غريب اللي لحقني منك واللي زاده استغراب
‏على كثر الظروف اللي تعذرك ما تعذرتي

‏نسيتي حبّنا ولّا نسيتي نظرة الإعجاب
‏تذكرتي زمان الطيش ولّا ما تذكرتي

‏تقولين الديار بعيد واقول القلوب إقراب
‏يسافر لك خيالي وين ما رحتي وسافرتي

‏انا ما اقابلك مرتاب ليه اقابلك مرتاب
‏طريقي واضح ومبداي ثابت واعرف آخرتي

‏اطير من الفرح ودموعي تحوّل من المرقاب
‏واشوفك ساكته ما طاحت دموعك ولا طرتي

‏عطيتك كثر ما شالت يدين الكادحين اتعاب
‏وسامحتك كثر ما خنتي العشرة وقصّرتي

‏وحبيتك كثر ما بكّت الغربه عيون أغراب
‏واحبك فوق ما تتخيلين وما تصورتي

‏يا كم شبّو لك الدنيا وكم شبّو معك شيّاب
‏ويا كم قلب عنّيتي ويا كم عين سهّرتي

‏تلدّين العيون وتسرقين القلب والالباب
‏ياليتك يوم قالوا لك كبرتي ما تكبرتي

‏ابطلع من حياتك بسّ دلّيني طريق الباب
‏بعد ما جارت الدنيا علي وقطّعت كرتي

......