فوق هام السحب ( الشعر الشعبي) على متن القوافي

أحبك وأحضنك يامَنْ تشابه في حنانك أم
أحس البرد في بعدك وآحسك شمسي في كوني

آحسك منجرح لكن آحس إن بك خفايا هم
سواليفٍ وخايف بس تقول وأطرحك دوني

حبيبي ماني إلا لك وفكري شرقي فيه ألم
شتاتك أجمعه ب قلبي وأداوي بك على هوني

أنا ماني مثل منهو يجرّح زلتك ياعم
أنا أغليك وما أفضح وأستر وأغْمِض عيوني

ولو زلّه تجيني مِنْك فإن الناس فيها كم
من عيوبٍ وزلاتٍ ومَن كامل له أخذوني

لذلك أغفر الزلّه وأعلّم ثم أعلّم ثم
أعلّم وأجعلك تفهم وتحفظ صونك بصوني

حبيبي ياضياء الليل فديتك كافي تسهر نِم
أبي ترتاح ياغالي لأنك شمسي في كوني


محمد الشملان