ديوان قصائد لشعراء المملكة العربية السعودية (متجدد)☘️☘️

مرثية للشاعر/خالد محمد حسن الشمراني /في والدته


قدرك على راسي وعلى هامتي فوق

ولا الثرى والله ماهو مكانك

لكن حكم الله كما الحق منطوق

وبالدفن ربي كرمك ما أهنك

ولا انتي غيمه عقدها نايض ابروق

فوق الثريا حل قدرك وشانك

أرثيك يا اعظم أم من قلب محروق

وأبكيك بدموعن تهاوت عشانك

انتي الحبيبة مانتي بأي مخلوق

مهما كبرت احتاج دافي حنانك

وينك رحلتي أنظري القلب في شوق

وانا يمين الله وحشني زمانك

سهام دمعي خلت الثوب مشقوق

من بعد سالت فوق صدري وديانك

ادري ان سهم الموت يجري بالعروق

وساعة رحيلك ماتجي قبل اوانك

لكن بعدك دنيتي مالها ذوق

وخوفي من الدنيا يدور امانك

يمه ترا الدنيابها العمرمسروق

وانتي استعنتي الله عليها وعانك

يمه رحلتي ضاحكه ورايقه روق

والله على التهليل ثبت لسانك

يمه لقانا مثل عاشق ومعشوق

في الجنه تتلاقي بقرت أعيانك

صبرك شوي وكل مطرود ملحوق

ويجيك قلبي الي يحبك وصانك

ياربي لجناتك تسوقها سوق

وانك تسكنها بعالي جنانك


الشاعر خالد الشمراني