ديوان قصائد لشعراء المملكة العربية السعودية (متجدد)☘️☘️

قصة واقعيه
الشاعر عبدالرحمن الصخيف الشمراني .
.يسكن ببيشه ويبلغ من العمر مايقارب 130سنه..
ولازال على قيد الحياه وله قصايد لها نكهة خاصه ..
حكي لي هذه القصه والقصيدة..
يقول..
ذهب الى قرية من قرى بيشه ليخطب بنت متعلمه وشاعره ..
واسمعها قصيدته ليخطبها وكان عمره في ذلك الوقت 72سنه .
يقول .
يابنت ودي بك ولو كان
ساعه.
نمشي على السنه ولا نتبع
العيب.
واسكن معك في غرفة في
رفاعه.
مفروشها زل العجم
والمضاريب.
واجلس معك واخدمك سمع
وطاعه.
مااغادر الغرفه ولا اظهر
ولااغيب..
عساني القى عند شوفك
شفاعه.
اما كلام حلو ولا
تراحيب.

فردت عليه بهذه الابيات.
ليتك تجي الدكتور واهل
الاشاعه.
ويعلمونك ويش عندك من
العيب.
العود مايرجع لسن
الرضاعه.
ولا عاد يصلح للبنات
الرعابيب.
شفي غلام من شباب
الجماعه .
شوفه يسليني ويعطي
المواجيب.
ماهوبعود شوف شيبه
مراعه.
يالله دخيلك من عشيربه
الشيب.

فاستأذنهم ولم يشرب قهوته وغادر منزلهم وهو زعلان.
..
وعند سماعي لقصته كتبت هذه الابيات واسمعته اياها.

يابن صخيف خل عندك
قناعه.
ماعادلك قدره طلوع
المراقيب.
لوسربوا علمك لبث
الاذاعه.
ثم ينشدونك قهر ماتعرف
تجيب.
رزق ميسر خيرن من
المجاعه.
ماكل بيرن صالحه
للمشاريب.
لما وردت السوق عس
البضاعه.
من قبل ماتخرج فلوسك من
الجيب.
والبر آمن خالي من
السباعه.
حتى الغنم ماعاد تجفل من
الذيب


فلما سمع قصيدتي قال هذه مثل الغطاء للقدر ..
واعجب بها..
صالح أبو غريب