ذرّة نقى🌷

ذرّة نقى

لا تجيني عقب غيبه تنشدين
لا تجيني .. تنشديني .. وش بقى
ماعلى حبك سلام العابرين
التقوا ..بالحلم .. في صدفة لقى
كنت احبك في جنون العاشقين
امشي ل حتفي وانا مملي شقى
ماحسبتك عن عيوني تبعدين
هقوتي بك مثل .. ما قلبي هقى
ليت في زرع الهوى تستمطرين
يبست اوراق .. الغلا مامن سقى
من جريد الحلم يتساقط حنين
دوك .. حالي .. مابقى فيه عذقى
ذابلٍ ..كلي .. وانا .. كلي انين
في حياةٍ .. صارت ل عيني محقى
توعدين وتخلفين وتطعنين
صدري اللي من طعونك ماوقى
كانها .. هلّون .. بليا .. تعشقين
دام .. مابك .. بالهوى .. ذرّة نقى

غازي بن عالي