أنا لو ضاعت الدنيا وراك وزادت الأتعاب

أنا لو ضاعت الدنيا وراك وزادت الأتعاب
أجي كنّي صباحٍ كل هالعالم تهذري به

يمر الصوت وأتخلخل مداك، ولا قفلت الباب
تجي مثل السحاب اللي يفز القاع من صيبه

وترحل مالحقك الا القصيد وشرهة الطلّاب
وقلبٍ مايخونه فالحياه الا تجاريبه

أنا ماني بعاقلْك الدروب ولا رضيت أحباب
حزين أني أشوفك حق وأنت تشوفني ريبه

جزيت وفز قلبي وأثر قلبي مانساك وتاب
حكيت وضاع صوتي في رجاك وضاعت الهيبه

ولا عاد السهر ملفى ولا عاد السنين أصحاب
تحاشيت المكان ولا فقد سمعي تراحيبه

تجوّدت بـ سفر ليلك وأنا أقول القمر ماغاب
ياعنك أن القمر لو غاب من هو عاد بيجيبه

لو أن الغيمه أقفت ماتلحقت الهبوب عتاب
أنا حتى الجفاف أن كان في طارفك راضي به

.....