فوق هام السحب ( الشعر الشعبي) على متن القوافي

لو كان قلبك ما يطاوعك مسرور
دنياك لو تسوى من الحِزن ذرّه

ماكان تاليها توابيت وقبور
وما كان للكافر بعمره مسره

وما شفت في ملكه ملايين وقصور
العمر يمضي بين حلوه ومره

والموت حق وقابض الروح مأمور
دام الحياة الفانية مستقره

ورزقك يجيك وبين الأجواد مستور
لاتنشغل بالوقت برده وحره

واحذر تصير بقسمة الناس مقهور
وحكم القدر لاجاك خيره وشره

أشكر عظيم الشان والذنب مغفور
والمجلس اللي يزعجك لا تمره

خله تراك بشوفته منت مجبور
والرجل سقها في صحاصيح بره

ومد النظر مابين ريضان وزهور
لاصار وجه القاع ما فيه جره

والمشي حافي والثرى تو ممطور
ساعات صمتٍ ما وراها مضره

تسوى الكلام اللي به ذنوب و شرور
أطلق خيالك وأترك النفس حره

وخل الطبيعة في حياتك لها دور
وبالليل لا بانت نجوم المجّره

أذكر بديع الخلق بإحساس وشعور
واسجد لرب الكُون مرة ومره

واحفظ لسانك واترك الكذب والزور

وفروض ربك خلها مستمره
وطاعتك لا يدخل بها نقص وقصور


غزاي الحربي