فوق هام السحب ( الشعر الشعبي) على متن القوافي

‏اشوف القلوب اللي تنافق ماهيب صحاح
‏واشوف النفوس اللي تودد ماهيب اللي

‏على كثر مالي فالخزينه من الارباح
‏احب الفقير اللي على المال ما ولّي

‏عسا اللي يدينه فاللوازم ندية راح
‏بعد من يدينه تحسب المتر والملي

‏تدور الليالي فالعشيه وفالإصباح
‏وانا كل ماجيت ابرد من الزعل غلي

‏عصت نفسي التبرير والشرح والإيضاح
‏لو ان الضمير أكثر من اقول له قل لي

‏ياكم غاليٍ كنت اتوّجد عقب ماراح
‏على جيته ماعاد ارحب ولا اهلّي

‏سلامي على وجه المعزه سلام سلاح
‏وعلى قلبي اللي بآخر الصبر متحلي

‏الى عشت ماني من صدوف الدهر مرتاح
‏والى مت ماني والله بميتٍ كلي

.....