اخترنا لكم شعر نبطي وفصيح

يـا الله يـا عــالي على كل عــالـي
يـا شافي امراض القلوب العليله

شكيت من همي ومن ضيق حالي
شكيت لك ما العبد ما با اشتكي له

الحــزن الاول عززه حــزن تالي
حـزني تكاثــر كل ليله وليله

فقيـر لاكــن عزتي راسي مالــي
رغم الظروف العز ما اقبل بديله

حنيت حنت من خسر شخص غالي
من خيبات امالي و حمل الثقيله

وطعن قلبـي من سيـوف الغوالي
من هو ذكي له درس ما ينتسي له

وبعـدها يالهاجس آنظم مقـالي
يا نبـع دايم للـحروف الجزيله

لا عند ابو نصار سيد الرجالي
النشمــي المغوار شيخ القـبيله

الصاحب الي ما تركني لــحالي
عز الله انه جيد ماشي مثيله

ياكم وياكم قد سـهرت الليالي
انا وهاجوسي ليالي طويله

به فرق بين الفسل واهل المعالي
وبين العلوم الشافيه والهزيله

وفرق واجد بين ضابح وسالي
وفرق بيـن المفسله والجـميله

وفرق واجد بيـن جفـري وآلي
والممكنه تفرق عن المستحيله

وبين امــوال الرباء والحلالي
وبين الخيول العاثره والاصيله

والحكمه الي راسخه بين بالي
ما يطعــن الانسان الا زميله

ويا ظهري الي قد حملت الثقالي
اصبر على حملك ولا ترتخي له


طارق محمد البداي