صب لي يا نور عيني من الدلّه

صب لي يا نور عيني من الدلّه
كانك أنت اللي من أجلي مسويها

دلّتك تسوى دلال البلد كلّه
طعمها مملوح من طعم راعيها

وردةٍ في الفلّه أحلى من الفلّه
ليتها تعرض على البيع واشريها

أقدر أسيطر على البيت واحتلّه
صار ملكي لادفعت الثمن فيها

يستريح الخل ويعيش مع خلّه
فرصةٍ في العمر طابت لياليها

الهوى وردٍ قطافه على حلّه
آه.. يا محلى الورود وثمايرها

الورود اللي من الغيث مبتلّه
والندى في الصبح كنّه يحييها

والهوى غصنٍ تريّحت في ظلّه
مالت أوراقه ومالت ثمايرها

أنا ما وله من الشمس مآ وله
ما يداني الشمس وأنا مدانيها

صب لي يا نور عيني من الدله
كانك أنت اللي من أجلي مسويها

فيصل الرياحي