الا يا صغير السن ياغض يا دلوع

الا يا صغير السن يا غض يا دلوع
من العام مقلقني وذلحين مقلقني

معلق حبال الذاكرة في عظام الكوع
وزود على الثنتين معهن معلقني

تقل مالك الا في غرامك معي اسبوع
وانا منك قد لي عام والهم مرهقني

تفوع المشاعر فوعة الصقر عقب الجوع
ليا دق هاجوس القصيدة وسارقني

فلا الحرف يصعب لك واذا صعب يأتي طوع
مهامسك يقنعني وصمتك يضايقني

تصيح الحلوق وغير صوتك مهو مسموع
فلا كل صوت (ن) لاس معته بيسرقني

لانك ضمير الحي والشعر والموضوع
معي في الثلاثه ثابت (ن) ما تفارقني

سراجيف قلبي بابها للهوى مخلوع
علشان لا عانق ضلوعي يعانقني

مواصلك يغنيني وصدك يجر اجموع
على كل ريع (ن) من همومي تهايقني

بهالحلقة أم الوصل تطرق ثمان ضلوع
وباقي ضلوعي لاطرقها بيطرقني

الك فرع في الدنيا وأنا لي معاك فروع
اسابقك في المسفوط واثرك اتسابقني

وإذا صرت لا ترحم ولاتاوي المفجوع
ترى ذي دون وذيك ياليت تعتقني

مبارك بن اعيينان