يا صاحب المبدا ترا الحلم رجال

يا صاحب المبدا ترا الحلم رجال
اذا ذبحت الحلـم راحـت رجولـة

راح الزمن في ما مضى به من افعـال
وكلـن علـى ما قيـل نـوخ ذلولـه

هذا زمن من لـه حيلـه فيحتـال
عادي ترى والنفس ماهـي خجولـة

ياما عليها الارض من زود الاحمال
ياهي تحمل شي ماحـدٍ يطولـه

بعض البشر يحتاج له ضربة اعقـال
نقصٍ على الدنيا بعرضه وطوله

وبعض البشر متكبرٍ كنه جبـال
ودك تصطـر خشتـه فـي نعــولـه

وبعض الرجال من النعومة بيختـال
ودك يلبس طرحةٍ مثل خولـه

وبعض البشر بالبخل يضرب بالامثال
اذا طلبتـه شـي قـفـى بـزولـه

وبعض البشر لاضقت وقف ولك قال
ضيقتك هـذي هينـاتٍ حلولـه

تبي وجاهـة فيـه والا تبـي مـال
بس لا تضيق بشـي يابـن الحمولـه

هـذا هـو اللـي لا تمنيـت رجـال
يسـد بالدنيـا بعرضـه وطـولـه

محمد السعود